Тăван чĕлхеçĕм, янăра!

Атте-анне пек – чунăмра.

Тăван-пĕтен пек – асăмра.

Юратнă мăшăр пек – çумра.

Шăрăх чухне – уçăлтаратăн,

Сивĕ чухне эс ăшăтатăн,

Хуйхă пуссассăн – йăпататăн,

Савăнăçа пĕрле пайлатăн.

Кам пире çутта кăларнă?

Алфавит та туса панă,

Букваре алла тыттарнă –

Яковлев вĕрентекен.

Чăваш халăхне юратнă,

Вăй-халне, чунне вăл панă,

Ун валли халал хăварнă –

Яковлев вĕрентекен.

Кĕнекене «Кăмăл» вĕренÿ пĕрлешĕвĕнче  хушма пĕлÿ илекен ачасен чи лайăх хайлавĕсене кĕртнĕ.