Кам пире çутта кăларнă?
Алфавит та туса панă,
Букваре алла тыттарнă –
Яковлев вĕрентекен.
Чăваш халăхне юратнă,
Вăй-халне, чунне вăл панă,
Ун валли халал хăварнă –
Яковлев вĕрентекен.
Вашават та ырă чунлă,
Ăслă –тăнлă та мăнаçлă,
Тăрăшуллă та сăпайлă –
Яковлев вĕрентекен.
Ăшшăн-ăшшăн тав тăватпăр,
Ун кунне паллă тăватпăр.
Кам ятне асра тытатпăр? –
Яковлев вĕрентекен.
Чăваш халăхĕн мухтавĕ,
Унăн чысĕ, пархатарĕ,
Улăпĕ те патриархĕ –
Яковлев вĕрентекен.
Зинаида Михайлова, чăваш чĕлхипе литератури вĕрентекен,
Красноармейски шкулĕ
|