Асамат кĕперĕ пек асамлă

Тĕрлĕрен тĕспе вăл ялкăшать.

Вăрманти  юман пекех мăнаçлă

Çирĕп саслăн уççăн янăрать.

Итлесе тăранма çук илемлĕ,

Шăнкăр-шăнкăр шыв юххи пекех.

Чăннипех те эпĕ пит телейлĕ –

Калаçатăп  чăваш чĕлхипе.

Хытă сасăсем те палăрмаççĕ –

Чăнахах та çепĕç ман чĕлхе.

Тăвансем унпа çеç калаçаççĕ –

Килĕшет пурне те вăл чĕлхе.

– Асатте-асаннесем пилленĕ,

Халиччен упраннă чĕлхене

Ан пăрахăр эсир ĕмĕрне те, –

Тенĕ Яковлев  халалĕнче.

Çĕр çинчи кашни чăваш çыннишĕн

Чи ырри – тăван чĕлхе пурри.

Сăвапли, пахи вара пуриншĕн –

Çав чĕлхепе калаçма пĕлни.

Чĕрене пуянлатсах тăрар-и?

Калаçар-и уççăн чăвашла?

Чыслă та илемлĕ пурăнар-и

Пĕр-пĕрне хисеплĕн ыр туса?

Чĕлхене хисеплĕр те юратăр,

Пирĕн вăл чăвашлăхăн палли.

Малашне те кăмăллăн янратăр,

Парне пултăр – ачасем валли.

Бобылева Наталья, 10б класс, Красноармейски шкулĕ

Ертÿçи – З.П.Михайлова