– Мĕн çитмест-ши пирĕн пурнăçра? –

Пултăмăр эпир тăшман хури.

– Ывăл пуçне хучĕ вăрçăра…

Ăçтарах-ши унăн вил тăпри?

Çитĕнтертĕм савăнса ăна –

Хамăн пĕртен-пĕр ывăлăма.

Манаймастăп эп çавă куна –

Хуйхă килсе çапрĕ пуçăма.

Вун саккăрти çамрăк каччăна

Хурланса ăсатрăм эп вăрçа.

Вăл килтен тухса кайсассăнах –

Ĕмĕрлĕх çухатрăм канăçа.

Куç хупмарăм эпĕ каçсерен,

Шухăша вĕçтертĕм инçете:

– Ывăлăм, таçти ют çĕрсенчен

Хăвăртрах эс таврăнсам киле!

Чĕрере ман тунсăх, тарăху…

Эс мĕнле чăтатăн-ши унта?

Ытла йывăр пулчĕ сан шăпу…

Ирсĕр тăшман айăплă кунта.

Вăрçă вăл куççуль те çухату…

Ыррине кĕтмелли çук унран.

Чунăмра  халь хурлăх, ырату –

Ывăл таврăнмарĕ вăрçăран.

Ылханатăп чун çиенсене,

Кураймастăп чунсăр çынсене,

Ывăла тĕп турĕç манăнне,

Хăварайрĕç ĕмĕр пĕччене.

Вăрçă-харçă кирлĕ мар пире,

Тăнăç пурнăç пултăр ĕмĕре:

Ывăлĕ юраттăр амăшне,

Амăшĕ упратăр ывăлне.

Харитонова Анастасия, 9б класс,

«Кăмăл» вĕренÿ пĕрлешĕвĕ