Хурлăхлăн кашлать юман…

Ялта арçынсем юлман –

Арăмсем те ачасем,

Карчăксем те стариксем.

Вăрçă кайрĕ пуçтарса

Мĕн пур вай питти çынна.

Пĕтĕм ĕç халь тиенет –

Çамрăк ăру тертленет.

Çак ялта пурнать Сашук,

Пĕчĕк-ха вăл – вăйĕ çук.

Тăрăшать хăй, тăрмашать,

Хуçалăхра пулăшать.

Ашшĕпеле пиччĕшĕ,

Унтан икĕ куккăшĕ

Çапăçаççĕ вăрçăра,

Хыпарлаççĕ çырура.

Сĕтел çинче çăкăр çук –

Ниçта кайса кĕме çук.

Утрĕ Сашук уялла

Çĕрĕк улма пуçтарма.

Тупаймарĕ. Çук иккен!

Хăварман ним те çынсем.

Утрĕ килнелле хуллен.

 – Паян мĕскер çимелле?

Виçĕ эрнерен Ваçук –

Сăпай та ĕçчен Ваçук

Уйрăлчĕ çут тĕнчерен –

Амăш юлчĕ пĕр-пĕччен.

Выляса кулмалли чух,

Ярăнса ÿсмелли чух –

Йышăнчĕ хура тăпра

Ачаллах вăрçа пула.

Никама та шеллемест,

Никама та хĕрхенмест…

Вăрçă кирлĕ мар текех,

Çитĕнер ыр-тĕкелех.

Мефодьева Васелиса, 10б класс,

«Кăмăл» вĕренÿ пĕрлешĕвĕ