Пĕлетĕп эп вăрçă çинчен Ват асатте каланинчен. Эп пит
шеллетĕп ват çынна – Куççуль юхать куçĕсенчен.
Куççуль тăкмасăр май та çук, Вăрçă пынă тăватă çул. Çĕкленнĕ халăх паттăрла Вăрçма тискер тăшманпала.
Вилĕм пăхсассăн та куçран – Ман асаттеçĕм парăнман. Шывра путман, вутра çунман, Пĕр утăм каялла чакман.
Тăван çĕре хăтарасса, Çĕнтерÿпе таврăнасса Шанса кĕрешнĕ асатте – Ăна пит кĕтнĕ асанне.
Кăкăр тулли медаль çакса Вăл таврăннă тăван яла. Вăл халĕ те чыс-хисепре, Вăй-хал парса тăрать пире.
Тăхăр вунна халь çывхарать, Чăн-чăн салтак вăл, ветеран. Пире ăс-тăн, тĕслĕх парать – Курасшăн хăй пекех хастар.
«Тухмаççĕ вăрçă çулĕсем – Вĕсем чунра та суранра», – Тет хăш чухне ват асатте, – Ан пултăр вăрçă пурнăçра.
Ват асаттеçĕм, асатте,
Пурнах пире савăнтарса.
Телейлĕ эп эс пуррипе –
Эс пулăн яланах асра.
Никита
Никифоров
| 
0