Çуллахи вăхăтра Тавит пахчаран кĕме те пĕлмест. Мĕнле йывăç кăна çук унта! Улма-çырла йывăççисем çуркунне шап-шурă чечеке лараççĕ, çуллапа кĕркунне вара çимĕçĕпе савăнтараççĕ. Çак йывăçсене пурте юратаççĕ. Шăрăх çанталăкра вĕсене шăвараççĕ, çĕрĕ хытса кайсан — кăпкалатаççĕ. Кил хуçисемшĕн пĕтĕм савăнăç — пахчара.
Пахча вĕçĕнче пĕр йăмра тунсăхласа ларать. Ун патне пырсах та каймаççĕ, пăхмаççĕ те, ун çинчен аса та илмеççĕ. Ӳсет, çитĕнет йăмра. Темшĕн çак йывăç Тавита питĕ килĕшет. Пахчана тухсан вăл кашнинчех йăмра патне пырса тăрать те унпа калаçать. Тавит калаçать — йăмра чĕнмест. Майĕпен-майĕпен йăмра сасси те илтĕнкелеме пуçлать: паян — хулленрех, ыран — хытăрах. Çапла йăмрапа Тавит туслашсах каяççĕ. Арçын ача йăмра çинчен ашшĕ-амăшне пĕр сăмах та каламасть, каласан та — вĕсем ĕненмеççĕ.
Пĕр ирхине Тавит йăмра патне пырса тăрсан лешĕ тӳрех савăнăçлăн калаçма пуçлать: «Пĕлетĕн-и, манăн пĕр пысăк ĕмĕт пур. Тĕнче уçлăхне çул çӳреве каяс килет манăн. Санăн пĕр ... Малалла вула...»

Пĕлетĕп эп вăрçă çинчен 

Ват асатте каланинчен.

Эп пит  шеллетĕп ват çынна –

Куççуль юхать куçĕсенчен.

Куççуль тăкмасăр май та çук,

Вăрçă пынă тăватă çул.

Çĕкленнĕ халăх паттăрла

Вăрçма тискер тăшманпала.

Вилĕм пăхсассăн та куçран –

Ман асаттеçĕм парăнман.

Шывра путман, вутра çунман,

Пĕр утăм каялла чакман.

Тăван çĕре хăтарасса,

Çĕнтерÿпе таврăнасса

Шанса кĕрешнĕ асатте –

Ăна пит кĕтнĕ асанне.

Кăкăр тулли медаль çакса

Вăл таврăннă тăван яла.

Вăл халĕ те чыс-хисепре,

Вăй-хал парса тăрать пире.

Тăхăр вунна халь çывхарать,

Чăн-чăн салтак вăл, ветеран.

Пире ăс-тăн, тĕслĕх парать –

Курасшăн хăй пекех хастар.

«Тухмаççĕ вăрçă çулĕсем –

Вĕсем ... Малалла вула...»